გაკვეთილის გეგმა ისტ-ის გამოყენებით

გაკვეთილი ისტ-ში "ცხრილები ტექსტურ რედაქტორში" (მე-5 კლასი)

გაკვეთილის პორტფოლიო

გაკვეთილის გეგმა

მასწავლებლის სახელი, გვარი, პირადი ნომერი: ლია ნავროზაშვილი პ/ნ 35001006357

სწავლების საფეხური/კლასი: დაწყებითი/მე-5 კლასი

მოსწავლეთა რაოდენობა: 23 მოსწავლე

გაკვეთილის თემა: ცხრილები ტექსტურ რედაქტორში

წინარე ცოდნა: მოსწავლეებმა იციან ტექსტურ რედაქტორში მუშაობა, შეუძლიათ ტექსტის დაფორმატება, გრაფიკული ელემენტების გამოყენება.

გაკვეთილის მიზანი: მოსწავლე შეძლებს ინფორმაციის ორგანიზებას ცხრილების საშუალებით.

№	აქტივობის აღწერა	გამოყენებული მეთოდი/მეთოდები	კლასის ორგანიზაბის ფორმა/ფორმები	სასწავლო რესურსები	დრო (წთ.)
1	საორგანიზაციო საკითხების მოწესრიგება (მისალმება, სიის ამოკითხვა, მორიგეების არჩევა)		მთელი კლასი		2 წთ.
2	გაკვეთილის თემის, მიზნის და შეფასების რუბრიკის გაცნობა	მინი ლექცია	მთელი კლასი	გაკვეთილის გეგმა, შეფასების რუბრიკა	2 წთ.
3	აქთივობა მოტივაციის და ინტერესის ასამაღლებლად: მოსწავლების პირველ და მესამე რიგს ურიგდებათ ბარათები, რომლებზეც ცხრილის სახით არის წარმოდგენილი ინფორმაცია ამინდზე რუსთავში აპრილის თვეში (დანართი 1), ხოლო მეორე და მეოთხე რიგს ურიგდებათ იგივე ინფორმაცია წარმოდგენილი ტექსტად (დანართი 2). მასწავლებელი სთხოვს მოსწავლეებს დარიგებული ბარათებიდან ამოწერონ რვეულებში რამდენი მზიანი და წვიმიანი დღეები ნავარაუდევი რუსთავში აპრილის თვეში. მოსწავლეები დავალებას ასრულებენ სხვადასხვა დროში. ის ბავშვები, ვისაც ინფორმაცია ცხრილის სახით ჰქონდა მიწოდებული ასრულებენ უფრო სწრაფად, ვიდრე მეორე ჯგუფი. აქედან მოსწავლეებს გამოაქვთ დასკვნა, რომ ცხრილის სახით მიწოდებული ინფორმაციის ამოკითხვა და დახარისხება მარტივდება.	სიტუაციური ამოცანა, დისკუსია	წყვილები	ბარათები (დანართი 1) (დანართი 2), რვეული, კალამი	3 წთ.
4	აქტივობა ინტერესის ასამაღლებლად: მასწავლებელი სვამს კითხვებს: 1. რა ელემენტებისგან შედგება ცხრილი: (სვეტი, სტრიქონი, უჯრა); 2. რა შეიძლება შევიტანოთ ცხრილის უჯრებში (რიცხვები, ტექსტი, სურათები); 3. რა მოქმედებები შეიძლება შევასრულოთ ტექსტზე? (რედაქტირება, ფორმატირება)	კითხვა/პასუხი	მთელი კლასი		3 წთ.
5	აქტივობა წინარე ცოდნის გასააქტიურებლად: ტექსტის ფორმატირების გახსენება: მასწავლებელი ხუთ ბავშვს (სიის ყოველი მეორე მოსწავლეს) ურიგებს ბარათებს, რომლებზეც შრიფტის ფორმატირების ინსტრუმენტებია გამოსახული (დანართი 3), მეორე ხუთ ბავშვს (სიის ყოველი მეორე, გაგრძელება) ურიგებს ბარათებს, რომლებზეც აღწერილია ამ ინსტრუმენტების დანიშნულება (დანართი 3), გამოყავს თითო ბავშვი თავისი ბარათიდ და სთხოვს, რომ მას დაუწყვილდეს  მეორე მოსწავლე შესაბამისი ინსტრუმენტის დანიშნულებით.	სიტუაციური თამაში	ინდივიდუალური, წყვილები	ბარათები (დანართი 3)	3 წთ.
6	აქტივობა - ცოდნის კონსტრუირება: მასწავლებელი აჩვენებს მოსწავლეებს როგორ შეიძლება ტექსტურ რედაქტორში ცხრილის ჩასმა, უჯრის ზომების შეცვლა, ტექსტის შეტანა და გასწორება, სვეტების და სტრიქონების დამატება/წაშლა, უჯრების გაერთიანება, უჯრებში ფერის ჩასხმა.	ახსნა-განმარტება	მთელი კლასი	კომპიუტერი, პროექტორი	10 წთ.
7	აქტივობა - ახალი მასალის გასამტკიცებლად: მასწავლებელი სთხოვს ბავშვებს ჩართონ კომპიუტერები და ტექსტურ რედაქტორში შექმნან ცხრილები სახელმძღვანელოდან  გვ.155 (ამ გვერდის პირველი ორი ცხრილი)	პრაქტიკული მუშაობა „სწავლა კეთებით და გამოცდილების მიღებით“	ინდივიდულაური, წყვილები	სახელმძღვანელო (ნ. ჯამასპიშვილი „ინფორმაციულ საკომუნიკაციო ტექნოლოგიები“)	10 წთ.
8	აქტივობა - ახალი მასალის გასამტკიცებლად: მასწავლებელი სთხოვს მოსწავლეებს შევიდნენ www.edmodo.com საიტზე შექმნილ ჯგუფში, ჩამოტვირთონ  პრეზენტაცია „ცხრილები“ (დანართი 4),  და შეასრულონ  ამ პრეზენტაციაში მოცემული დავალებები	პრაქტიკული მუშაობა „სწავლა კეთებით და გამოცდილების მიღებით“	ინდივიდუალურად, წყვილებში	საგანმანათლებლო სოციალური ქსელი www.edmodo.com, (დანართი 4)	8 (წთ.)
9	აქტივობა - გაკვეთილი შეჯამება:  მასწავლებელი მოსწავლეების კარნახით ავსებს ცხრილს თავის კომპიუტერში (დანართი 5)	„ვიცი, ვიცოდი, მინდა გავიგო“.	მთელი კლასი, ინდივიდულურად	კომპიუტერი, პროექტორი, (დანართი 5)	3 წთ.
10	აქტივობა - საშინაო დავალების მიცემა: მოსწავლეებს www.edmodo.com საიტზე შექმნილ ჯგუფში აქვთ გამოგზავნილი საშინაო დავალება, რომელიც უნდა შეასრულონ სახლში და უკან გადმოუგზავნონ მასწავლებელს (დანართი 6)	მინი ლექცია	მთელი კლასი	საგანმანათლებლო სოციალური ქსელი www.edmodo.com, (დანართი 6)	1 წთ.

გაკვეთილის ბოლოს მისაღწევი შედეგები/ეროვნული სასწავლო გგმით მისაღწევი შედეგები/სტანდარტი :

ის ტექნ. V.3. მოსწავლეს შეუძლია სხვადასხვა სახის ციფრული საშუალების შერჩევა და გამოყენება ციფრული მასალის შექმნისას.

·       გაიაზრებს ციფრული მასალის სტრუქტურას;

·       იყენებს ციფრული საშუალებებს ცნებების, ობიექტებისა და პროცესების გამოსახვისას ციფრული მასალის გამოყენებით;

·       იყენებს ისტ-ს კანონზომიერების აღმოჩენისას და კანონზომიერების შექმნისას.

შეფასება: განმავითარებელი შეფასება (კომენტარის სახით) და განმსაზღვრელი შეფასება (შეფასება რუბრიკა იხ. ქვ. დანართი  7)

გაკვეთილის მოსამზადებლად გამოყენებული სურათები იხ. დანართი 8

ხელმოწერა: ლია ნავროზაშვილი

თარიღი: 02.04.2018